Policia e Komisariatit nr. 4 ka sekuestruar 2.2 kilogramë kokainë në zonën e Institutit. Lënda narkotike dyshohet se kishte ardhur nga Spanja dhe ishte planifikuar të shitej në doza të vogla në Fresk.
Nga operacioni janë arrestuar dy persona, kushërinj me njëri-tjetrin, të cilët gjatë kontrollit kanë tentuar të arratisen, por janë kapur nga policia pranë shinave të trenit në zonën e Institutit.
Hetimet vijojnë për të zbardhur rrjetin e shpërndarjes.
