Një 39-vjeçar me emrin Përparim Bilja, banues në Kamëz, është arrestuar nga Policia pas përplasjes së pesë këmbësorëve në rrugën “Halit Haxhija”.
Sipas raportimeve, ai kryente manovra të rrezikshme në rrugë, duke shkaktuar aksidentin me këmbësorët. Të lënduarit morën ndihmën e nevojshme mjekësore në spital dhe fatmirësisht ndodhen jashtë rrezikut për jetën.
Policia i ka bllokuar automjetin tip “Audi” dhe ka marrë masën plotësuese të heqjes së lejes së drejtimit ndaj 39-vjeçarit.
Materialet procedurale janë dërguar në Prokurorinë e Tiranës për veprime të mëtejshme.
