5 Mars 1982 – Vdes aktori i njohur shqiptaro-amerikan John Belushi
John Belushi u gjet i vdekur në dhomën e tij në një hotel në Kaliforni. Shkaku i vdekjes, ishte një injektim i kombinuar i kokainës dhe heroinës. Mbrëmjen e vdekjes, ai u vizitua veç e veç nga miqtë e tij, aktorët Robin Williams dhe Robert De Niro, dhe secili u largua duke e lënë Belushin në shoqërinë e aktorëve të tjerëve të përzgjedhur, përfshirë këngetaren Catherine Evelyn Smith.
Vdekja e tij u hetua nga mjeku Ryan Norris, ndërsa nga provat e gjetura u konstatua se ajo kishte ndodhur për shkak të një incident të lidhur me drogën.
Dy muaj më vonë, Smith pranoi në një intervistë për “National Enquirer”, se kishte qenë me Belushin natën e vdekjen e tij, dhe se ia kishte dhënë ajo dozën vdekjeprurëse. Pas shfaqjes së artikullit “Unë e vrava Belushin!” në numrin e datës 29 qershor 1982, rasti u rihap. Smith u arrestua në Toronto, u ekstradua në SHBA dhe u akuzua për vrasje të shkallës së parë.
Një marrëveshje me gjykatën, e ndryshoi akuzën në vrasje të pavullnetshme, dhe përfudimisht ajo kreu vetëm 15 muaj burg. Pak para vdekjes së tij, Belushi luajti në serialin komik “Skuadra e Policisë”. Belushi dhe miku i tij Dan Aykroyd, do të duhej të paraqiteshin për të tërhequr çmimin Academy Aëards për efektet më të mira vizuale, një ngjarje që u mbajt më pak se 4 javë pas vdekjes së tij.
5 Mars 1940 –Byroja Politike e Bashkimit Sovjetik, nënshkruan urdhrin për ekzekutimin e 25.700 të burgosurve polakë
Më 5 mars 1940, sipas një shënimi për Stalinin nga shefi i policisë sekrete Beria, anëtarët e Byrosë Politike Sovjetike, Stalin, Molotov, Voroshilov dhe Mikojan; nënshkruajnë një urdhër për të ekzekutuar 25.700 “nacionalistë dhe kundërrevolucionarë” polakë, që mbaheshin në kampe dhe burgje në perëndim të Ukrainës dhe Bjellorusinë.
Arsyeja për atë masakër, sipas historianit Gerhard Weinberg, është se Stalini donte ta privonte Poloninë nga një pjesë e ajkës së saj intelektuale. Meqenëse ai donte të mbante me çdo kusht pjesën lindore të Polonisë, Stalini ishte i sigurtë se çdo Poloni e ringjallur do të ishte jo miqësore ndaj Bashkimit Sovjetike.
Në këto kushte, privimi nga një pjesë e madhe e elitës ushtarake dhe teknike, do ta bënte atë më të dobët. Rusët u përpoqën të “ri-edukojnë” polakët në të treja kampet, ku ata mbaheshin. Ky mission iu ngarkua brigaderit Zarubin nga policia sekrete sovjetike. Por përpjekjet e tij, për të promovuar mënyrën sovjetike të jetesës tek polakët e burgosur dështuan.
Zarubin i raportoi për situatën Moskës, dhe pak ditë më vonë një kolonel sovjetik vizitoi shkurtimisht të treja kampet. Menjëherë pas vizitës, të burgosurve nisën të zhvendosen nga kampet në një destitacion të panjohur. Ata u pushkatuan në grupe në Pyllin e Katinit pranë Smolenskut në Rusi.
5 Mars 1994 – Osama Bin Laden humbet shtetësinë arabe
Osama Bin Laden, vinte nga një familje me lidhje të forta me Familjen Mbretërore në Arabinë Saudite. Babai i tij, ishte përgjegjës për shumë prej projekteve të ndërtimit, dhe madje i kishte huazuar para familjes mbretërore. Arabia Saudite, ishte një vend i varfër deri në zbulimin e naftës, që solli më pas një pasuri të madhe.
Osama trashëgoi një pjesë të kompanisë së babait të tij. Ai besonte se vendi i tij, Arabia Saudite, konsiderohej tokë e shenjtë pasi profeti Muhamed kishte lindur në qytetin e Mekës. Vetë Osama mbikqyri rindërtimin e kësaj xhamie. Ai u shndërrua nga një hero në qytetin e tij të lindjes, në një terrorist.
Osama kritikoi madje familjen mbretërore dhe në veçanti mbretin Fahd, se nuk po jetonte si një mysliman i vërtetë. Bin Laden e kishte themeluar tashmë Al- Kaedën, dhe po stërviste militantët e saj në Sudan. Mbreti Fahd, u tërbua kur dëgjoi lajmet që vinin nga Sudani, për të gjitha aktivitetet e terroristëve ku ishte përfshirë edhe Osama.
Më 5 mars 1994, mbreti Fahd i hoqi nënshtetësinë Bin Ladenit. Osama humbi trashëgiminë prej 7 milionë dollarësh nga kompania e babait të tij. Ai pati më vonë shansin t’i kërkonte ndjesë mbretit Fahd për të rifituar shtetësinë e tij, por e refuzoi këtë.
5 Mars 1496 – Mbreti Henri VII i Anglisë, autorizon Xhovani Kabotin dhe djemtë e tij të nisin eksplorimin e tokave të panjohura nëpër botë.
5 Mars 1770 – Masakra e Bostonit:Pesë amerikanë qëllohen për vdekje nga trupat britanike. Ngfjarja do të kontribuonte në shpërthimin e Luftës Revolucionare Amerikane pesë vjet më vonë, duke i dhënë në fund pavarësinë SHBA-së.
5 Mars 1933 – Depresioni i Madh:Presidenti Franklin D. Roosevelt deklaron mbylljen e të gjitha bankave të SHBA-së, dhe ngrin të gjitha transaksionet financiare.
5 Mars 1933 – Partia Naziste e Adolf Hitlerit merr 43.9 për qind të votave në zgjedhjet parlamentare, çka ia lejoi nazistët që pak muaj më vonë të nisnin të vendosnin diktaturën.
5 Mars 1946 – Lufta e Ftohtë:Winston Churchill përdor për herë të parë shprehjen “Perde e Hekurt” në fjalimin e tij në Kolegjin Ëestminster në Misuri të SHBA-së, duke iu referuar ndarjes së lindjes komuniste nga perëndimi kapitalist.
5 Mars 1970 – Pasi ratifikohet nga 43 vende, hyn në fuqi Traktati mbi Mospërhapjen e Armëve Bërthamore.
5 Mars 1974 – Lufta e Yom Kippurit:Forcat izraelite tërhiqen nga Bregu Perëndimor i Kanalit të Suezit.
5 Mars 1984 – Gjashtë mijë minatorë në Mbretërinë e Bashkuar, nisin një grevë në Cortonwood Colliery.
5 Mars 2003 – Në Haifa, 17 civilë izraelitë vriten nga shpërthim vetëvrasës në një autobus.
