23 Shkurt 1740 – Lind themeluesi i dinastisë së famshme financiare, Mayer Amschel Rothschild
Mayer Amschel Rothschild, lindi në lagjen hebraike të Frankfurt am Main në Gjermani më 1740. Paraardhësit e tij kishin ardhur në këtë qytet prej të paktën dy shekujsh, dhe mbiemri i tyre vinte nga shtëpia ku ata jetonin dhe bënin biznes në geto, nën shenjën e mburojës së kuqe (zum roten schild).
Ata u morën me tregtinë e rrobave dhe mallrave të tjera, dhe më vonë edhe me këmbimin e valutës. Duke u marrë edhe me koleksionin e monedhave të rralla, Mayer Amschel ra në kontakt me aristokracinë e e pasur. Mbrojtësi i tij më i shquar ishte Landgrave i Hesse-Kassel, i cili fitoi shumë para me punësimin e mercenarëve. Mayer Amschel, u bë më vonë financuesi i Landgrave dhe në vitin 1800, ai ishte një nga hebrenjtë më të pasur në Frankfurt.
Më 1770 Mayer Amschel u martua me 16-vjeçaren Gutle Schnapper. Dhjetë fëmijët e tyre të mbijetuar (nga 19) përfshinin 5 djem, të cilët u morën me biznesin e babait të tyre. Djali më i madh, Amschel Mayer, qëndroi në Frankfurt me babain. Katër të tjerët u dërguan në vende të ndryshme evropiane nga babai i tyre, me porosinë që të mbanin gjithnjë kontakt të ngushtë me të.
Djali i dytë, Salomon Mayer, shkoi në Austri dhe ndërtoi lidhje të ngushta me Habsburgët dhe Princin von Metternich. Nathan Mayer, shkoi në Angli për t’u marrë me industrinë tekstile, por ngriti një bankë tregtare në Londër, dhe u bë një figurë e frikshme në Bursë. I katërti, Carl, shkoi në Napoli ndërsa më i riu, Jakob ose James, u mor me operacionet financiare në Paris.
Të pesë djemtë, formuan de fakto një bankë shumëkombëshe. Luftërat revolucionare franceze dhe ato napoleonike, qenë një ndihmë e madhe për ta. Ata u dhanë hua regjimeve ndërluftuese dhe bënin tregti në pambuk, armë dhe grurë, në kundërshtim me urdhrin e Napoleonit për ndalimin e eksportece britanike.
Ishte familja Rothschild, ajo që financoi ushtritë e Ëellington në Luftën Gadishullore, dhe rrjeti i korrierëve të Rothschild ishte aq efikas, sa që lajmi i humbjes së Napoleonit në Vaterlo më 1815 arriti në Londër pikërisht nga Nathan Mayer Rothschild, i cili e kishte marrë vesh disfatën në Bruksel.
Mbretëresha britanike Victoria dhe Princi Albert ,u mbështetën tek korrierët e Rothschild për komunikimin me kontinentin. Mayer Amschel vdiq në të gjashtëdhjetat e tij dhe u varros në varrezat e vjetra hebraike në Frankfurt. Në testamentin e tij, ai vendosi që vetëm djemtë e tij të zotërojnë biznesin familjra. Të bijat e tij, burrat dhe fëmijët e tyre u përjashtuan.
Pas përfundimit të luftërave, Rothschild u dhanë letra me vlerë qeverive angleze, franceze dhe të tjera evropiane, duke përfituar gjithashtu nga Revolucioni Industrial. Ata investuan në industri, hekurudha dhe minierat e qymirit. Ata u bënë figura kryesore si në ekonomitë ashtu edhe politikën e vendeve ku ata u vendosën, ku u bënë të dobishëm për sundimtarët dhe politikanët kryesorë.
Mayer Amschel Rothschild dhe familja e tij akuzohet edhe si themelues të grupimit të famshëm masonik “Iluminati,” së bashku me Adam Ëeishaupt, që sipas kritikëve kishte për synim krijimin e një qeverie botërore, dhe sundimin e një pakice oligarkësh mbi shumicën.
23 Shkurt 1981 – Rebelët sulmojnë parlamentin spanjoll
Në Spanjë, nënkoloneli Antonio Tejero dhe 200 anëtarë të Gardës Civile pushtojnë godinën e parlamentit spanjoll në Cortes, Madrid, duke gjuajtur me armë zjarri në ajër, dhe marrë peng për disa orë qeverinë demokratike të Spanjës. Komplotistët e krahut të djathtë, të zemëruar me ritmin e shpejtë të reformës demokratike që nga vdekja e diktatorit Francisco Franco, bënë thirrje për një revoltë ushtarake të gjithanshme.
E ardhmja e Spanjës u mbajt në pezull gjatë orëve të natës, ndërsa qytetarët i shihnin ngjarjet e tensionuara drejtpërsëdrejti nga televizori. Grushtit i shtetit mori fund kur Mbreti Juan Carlos, i cili pasoi Francon në detyrë më 1975, dhe më pas hoqi dorë nga pushteti, i bëri thirrje ushtrisë spanjolle t’i qëndronte besnike Kushtetutës, dhe t’i bashkohej në dënimin e rebelëve. Në mesditën e 24 shkurtit, grushti i shtetit mori fund pas 18 orësh, dhe demokracia e re e brishtë e Spanjës mbijetoi.
23 Shkurt 1958 – Rrëmbehet në Kubë kampioni i Formula 1 Juan Manuel Fangio
Pesë herë kampioni i botës në garën elitaren me makina, Formula 1, argjentinasi Juan Manuel Fangio rrëmbehet nga dhoma e hoteli në Havanë, nga një grup rebelësh të drejtuar nga Fidel Castro. Ai u rrëmbye pikërisht një ditë para garës së madhe që do të mbahej në ishull. Fangio
u lirua pas përfundimit të garës, i pacënuar.
Rrëmbimi synonte të shkaktonte një poshtërim ndërkombëtar për presidenti kuban Fulgencio Batista, të cilën Castro do ta përmbyste më 1 janar 1959. Përveç rrëmbimit të Fangios, çmimi i madh i Kubës u njollos edhe nga një aksident i tmerrshëm, kur piloti kubanez Armando Garcia Cifuentes, humbi kontrollin e makinën e tij në një pjesë të pistës, dhe u përplas me turmën e spektatorëve.
Shtatë vetë u vranë dhe dhjetëra të tjerë u plagosën. Përplasja çoi në spekulime të menjëhershme, se njerëzit e Castro kishin sabotuar frenat e makinës, por më vonë u arrit në përfundimin se shkak i aksident ishte bërë çarja e sarbatorit të naftës së një makine së drejtuar nga piloti tjetër argjentinasi, Roberto Mieres.
23 Shkurt 1455 – Johan Gutenberg, boton Biblën në shtypshkronjën e tij novatore me gërma të lëvizshme.
23 Shkurt 1820 – Konspiracioni i “Cato Street”:Policia zbulon një komplot ,që synonte vrasjen e të gjithë ministrave të kabinetit qeveritar britanik.
23 Shkurt 1861 – Presidenti i zgjedhur i SHBA-së, Abraham Lincoln, mbërrin fshehurazi në Uashington, pasi i shpëtoi një komploti për vrasje në Baltimorë.
23 Shkurt 1887 – Riviera franceze goditet nga një tërmet i madh, që shkakton mbi 2.000 të vdekur.
23 Shkurt 1898 – Në Francë, shkrimtari Emile Zola dënohet me burgim për shkrimin e tij “J’accuse”, letër e hapur drejtuar presidentit francez, ku akuzon qeverinë për anti-semitizëm dhe për burgosjen padrejtësisht të oficerit Alfred Dreyfus, nën akuzën e rreme të tradhëtisë.
23 Shkurt 1903 – Kuba i jep me qira Gjirin e Guantanamos Shteteve të Bashkuara të Amerikës.
23 Shkurt 1919 – Në Itali, Benito Mussolini themelon Partinë Fashiste.
23 Shkurt 1942 – Lufta e Dytë Botërore:Nëndetëset japoneze bombardojnë me predha artilerie bregdetin amerikan pranë Santa Barbaras në Kaliforni.
