Sot besimtarët në Shqipëri dhe mbarë botën kanë falur namazin e Fitër Bajramit. Gjatë fjalës së mbajtur pas namazit, Myftiu i Shkodrës, Muhamed Sytari, ka trajtuar një nga tematikat më shqetësuese për shoqërinë shqiptare, dhe jo vetëm.
Imami ka bërë thirrje që të reflektojmë ndaj krimit në familje. Ai ka cekur edhe shtimin në masë të aborteve, lënien në harresë të fëmijëve, duke kërkuar më shumë njerëzillëk.
Fjala e tij e plotë
"A ka krim më të madh se sa me vra njeriu nënën e babën e tij, a ka krim më të madh se sa mos me u kujdes njeriu për prindërit e tij? A ka krim më të madh se sa me pa burra e gra që shkojnë nëpër azilet e pleqve, sepse fëmijët e tyre nuk kanë vend në shtëpitë e tyre për të mbajtur prindërit?! O Zot si nuk hapet toka, e nuk ndahen qiejt!! A ka krim më të madh se sa mosrespektimi dhe mos kërkimi i bekimeve nga prindërit?! Mos vrasja e foshnjave nga frika e varfërisë teksa shohim e lexojmë për shtimin e aborteve e për shtimin e abandonimit të fëmijëve, foshnjave të vogla. Për ta, a ka njerëzillëk në këtë botë?! Lëreni fenë, hiqe, se nuk ka fe tek ata njerëz, por a ka njerëzillëk? A mendojnë se nga kanë ardhur, a mendojnë se ku do të shkojnë, a mendojnë se do të japin llogari një ditë për atë krim", shprehet Imami.
