Juventusi zhgënjen tifozët, prezantimi i Ronaldos…

Cristiano Ronaldo nuk do të pritet si “hero” në Torino. Juventusi ka vendosur që të mos i bëjë një prezantim në stadium yllit portugez, por do të jetë gjithçka normale dhe pa shumë zhurmë. Një vendim i pabesueshëm, pasi të gjithë tifozët po prisnin të festonin blerjen më të madhe në histori.Në 2009 kur Ronaldo iu bashkua Real Madridit nga Manchester United, prezantimi në Madrid ishte madhështor, me një stadium të tejmbushur dhe pjesa tjetër është histori. Por nuk do të jetë kështu. Juventusi ka njoftuar zyrtarisht se programi i ditës së hënë do të jetë identik si prezantimi i çdo futbollisti tjetër: vizitat mjekësore në J-Medical, konferencë shtypi dhe prezantim.Klubi po mendonte që të organizonte një prezantim me tifozë, por në fund preferoi që të shmangte hapjen e portave të stadiumit.