Juventusi është duke krijuar një skuadër me shumë yje dhe me lojtarë me eks0periencë për të fituar titullin e shumëpritur të Champions League. Për këtë arsye ata pak dit më parë kanë bërë një sforco të madhe ekonomike duke nënshkruar me Cristiano Ronaldon. Duket se ky është vetëm fillimi dhe do të ketë edhe dy investime të mëdha.
I pari në listën e Agnellit është mesfushori serb i Lazios, Milinkovic-Savic. Të bësh biznes me Lotiton është mjaft e vështirë, por Juventusi do të provojë. Ai kërkon rreth 150-160 milionë euro ndërsa bardhezinjtë nuk ofrojnë më shumë se 100 milionë. Nga ana tjetër duhet të përballen edhe me interesimin e madh të treguar nga Real Madridi, i cili kërkon të bëjë një blerje të madhe për të ulur zërat kundër për largimin e Ronaldos.
Për të mposhtu madrilenët Juventus do të përdorë një skemë “alla Higuain”, që Marota bëri në 2016-ën me Napolin. Për ta realizuar këtë plan, ata janë të gatshëm t’i ofrojnë Lazio-s njërin mes Juan Cuadrado dhe Mario Manduzkic, kolumbiani pëlqehet shumë nga Simone Inzaghi dhe do të ishte funksional për lojën e kryeqytetasve, veçanërisht pas largimeve të Felipe Anderson dhe Nani.
Ndërsa një lëvizje e shumëpërfolur në ditët e fundit është sulmi i Juventusit për të nënshkruar me mbrojtësin e Real Madridit, Marcelon. Ai do të zëvendësoje Alex Sandron i cili me shumë mundësi do të largohet nga Torino, pasi nuk ka pranuar rinovimin e ofruar nga klubi. Ndërsa për Marcelon besohet se Juventusi e ka dërguar një ofertë në tavolinën e Perez e cila shkon rreth 60 milionë euro. Por kjo duket se nuk do të mjaftojë, pasi madrilenët kërkojnë të përfitojnë diçka më shumë se 70 milionë euro.
