Për sulmuesin e Fiorentinës, Moise Kean, ndeshja ndaj Juventusit është speciale, pasi ka luajtur më parë për bardhezinjtë.
“Te Juventusi isha rrëzuar në errësirë, me Fiorentinën kam filluar t’i shoh përsëri yjet. Sezoni i kaluar ishte shumë i vështirë për shkak të lëndimeve që më kanë penguar shumë. Kam humbur shumë mundësi të mira, përfshirë mundësinë për të shkuar tek Atletico Madridi. Ka qenë një sezon i vështirë, veçanërisht nga ana mendore. Ka njerëz që bien në depresion, por unë reagova. Firence më bëri të rilind”.
Mbi zgjedhjen për të shkuar te Fiorentina: “E zgjodha Firencen sepse më ngjan mua, është ambicioze si unë. Ndodhi edhe për krenarinë e njerëzve të saj, për ngjyrat vjollcë. Firence është e ngrohtë dhe pasionante, në historinë e saj ka pasur sulmues të mëdhenj. Kur erdhi mundësia, Vlahovic më inkurajoi”.
Për atë të diel të tmerrshme, me vështirësinë që pati Edoardo Bove: “Atë të diel më kaloi jeta para syve. Edo ishte afër meje, u frikësova shumë kur ra pa ndjenja në fushën e lojës. Për fat, tani ka kaluar e keqja. E kemi përqafuar dhe e kemi përkëdhelur, jemi një grup i bashkuar, e duam shumë njëri-tjetrin”.
Për kombëtaren axurre: “Kombëtarja është nder, të konkuroj me Mateo (Retegui) më motivon edhe më shumë. Kam zgjedhur Italinë, sepse kam lindur këtu. Pra, është e drejtë ta përfaqësoj vendin ku kam lindur. Edhe pse gjaku im është nga Bregu i Fildishtë, nuk e harroj kurrë ku kam lindur”.
