Anthony Joshua përpos është një ndër boksierët më të mirë profesionist në qarkullim, ka edhe ambicie të mëdha. Ai tashmë synon të shkruaj emrin e tij mes legjendave të ringut si Muhammed Ali dhe Mike Tyson. Këtë ai pretendon ta arrijë duke u bërë boksieri i parë që mban katër titujt më të mëdhenj të botës së boksit në peshat e rënda.
Boksieri anglez këtë mendon ta arrijë duke mposhtur edhe dy rivalët që mbajnë tituj që ai pretendon që ti fitoj. Aktualisht Joshua ka në pronë titujt e botës në versionet WBA dhe IBF në peshën e rëndë, por po planifikon të luftojë me zelandezin Joseph Parker, që është kampion në WBO dhe amerikanin Deontay Wilder që është kampion në WBC.
“Unë jam në prag që emri im të përmendet përkrah të mëdhenjve si Muhammad Ali dhe Mike Tyson”, ka thënë Joshua. Pra ai beson se në rast se arrin të fitojë edhe këto dy duele emri i tij do tu bashkohet legjendave të boksit.
