Pas deklaratave të shumta të Deontay Wilder, që prej kohësh kërkon të përballet me Anthony Joshua, ka ardhur më në fund reagimi i boksierit britanik. Ai e ka konsideruar rivalin amerikan si një njeri llafazan, që flet shumë, ashtu sikurse edhe David Haye, pasi që të dy kanë kërkuar të duelojnë me Joshua. Por britaniku, kampion bote në peshat e rënda në kategoritë IBF dhe WBA, do të mbrojë titujt ndaj bullgarit Kubrat Pulev, më 28 tetor, në Kardif.
“David dhe Deontay janë tipa që flasin shumë dhe gjatë gjithë kohës. Kjo është negative për sportin, por heart e vonë do t’ua tregoj grushtin tim edhe atyre”, tha Joshua. “Për mua është thjesht çështje kohe, për të gjetur kohën se kur do të përballem me ta dhe t’u tregoj vendin. Ne do të përballemi mes nesh dhe kjo gjë do të ndodhë një ditë”, tha Joshua, që ka hedhur poshtë akuzat e Wilder, se ai nuk është i famshëm në Amerikë.
https://tiranatoday.com/wilder-joshua-duhet-te-fitoje-ne-amerike-e-mirepres/
“Unë munda Klitschko në një stadium me 90 mijë vetë dhe jam kampion bote”, u shpreh më tej Anthony Joshua. Atë ndeshje e pa “live” edhe Wilder, që do të mbrojë titullin kampion të peshave të rënda (kategoria WBC) ndaj Stiverne Bermane, më 4 nëntor, në Brooklyn.
