Jony Ive ka qenë ndër protagonistët që kontribuoi në zhvillimin e epokës së smartphonit, konkretisht në fillimet e iPhone.
Kur e pyetën për vlerësimin që kishte për mënyrën se si iPhone ka ndryshuar botën, krijuesi i dizajnit të Apple ka qenë i matur në vlerësimin e tij.
“Ashtu si çdo mjet, përdoret në mënyrë të mrekullueshme, por ka edhe keqpërdorime”, tha Ive, drejtor i projekteve të Apple, në skenën e TechFest të New Yorker të premten.
I pyetur çfarë ai e konsideron “keqpërdorim” të iPhone, Ive u përgjigj: “Përdorim i tij i vazhdueshëm.”
Ai pranon se produktet e iPhone kanë edhe një anë të errët, varësinë e ekranit dhe shkëputjen nga bota rreth jush.
iPhone origjinal revolucionarizoi tregun e smartfonëve në 2007. Kompania ka shitur më shumë se një miliard iPhone.
Ive ka thënë se frymëzimi për krijimin e iPhone erdhi nga urrejtja.
“Kur punuam iPhone, u motivuam nga urrejtja që kishim për telefonat që po përdorim. Ata ishin një shpirt i vogël që na shkatërronte”, tha Ive. /Tirana Today/
