Kërcënohet me pistoletë në kokë kreu i LSI-së në Gjoroven të Beratit.
Krenar Shehu ka denoncuar tre persona në polici, pasi sipas tij e kanë kërcënuar me armë.
Ai ka thënë në Polici, se tre persona të identifikuar si Gazmend M. Gramoz I. dhe Ramazan D. i kanë vënë pistoletën në kokë dhe e kanë kërcënuar që të mos bëjë fushatë.
“Jeta e familjarëve të tu vlen sa një fishek, ndaj tërhiqu”, kështu mësohet t’i kenë thënë agresorët kreut të LSI-së atje, Krenar Shehu, bëjnë më dije mediet lokale.
Nga ana tjetër, mësohet se policia ka nisur hetimet për rastin.
Komunikata e policisë:
Më datë 16.06.2017, shtetasi K.Sh 46 vjeç, banues në Berat, kallëzon se në lagjen ‘’Uznovë”, është kanosur me armë zjarri nga shtetasit G.T, G.M dhe R.T, me qëllim që ky shtetas mos të angazhohej në fushatën elektorale të një subjekti politikë. Po punohet për dokumentimin e plotë të kësaj ngjarje dhe kapjen e autorëve.
