Në Jeruzalem shpërthyen dje përleshjet midis protestuesve palestinezë dhe policisë izraelite jashtë Qytetit të Vjetër të Jeruzalemit, teksa dhjetëra mijëra besimtarë myslimanë u lutën në xhaminë aty pranë Al-Aqsa në natën e shenjtë të Islamit Laylat al-Qadr (Nata e Kadrit).
Të rinjtë palestinezë goditën më gurë, ndezën zjarre dhe rrëzuan barrikadat e policisë në rrugën që çojnë në portat e Qytetit të Vjetër, ndërsa oficerët e gatitur me pajimet për trazira përdorën granata çorientuese dhe ujë për t’i larguar protestuesit.
Të paktën 64 persona u plagosën, duke përfshirë të mitur dhe një foshnjë një vjeçare, dhe 11 u dërguan në spital, tha Gjysmëhëna e Kuqe Palestineze. Policia izraelite tha se të paktën një oficer u plagos.
“Ata nuk duan që ne të lutemi. Ka luftë çdo ditë, çdo ditë ka luftime. Çdo ditë ka probleme,” tha Mahmoud al-Marbua, 27 vjeç, duke folur pranë Portës së Damaskut të Qytetit të Vjetër ndërsa policia ndiqte të rinjtë dhe hidhte granata çorientuese drejt tyre.
Tensionet janë rritur në qytet gjatë muajit të shenjtë mysliman të Ramazanit në mes të zemërimit në rritje për dëbimin e mundshëm të palestinezëve nga shtëpitë në Jeruzalem në tokat e pretenduara nga hebrenjtë.
Në Rripin palestinez të Gazës, qindra protestues u mblodhën përgjatë kufirit me Izraelin. Ushtria izraelite tha se turma hodhi goma të ndezura dhe fishekzjarre mbi ta.
“Ne përshëndesim njerëzit e Al-Aqsa, të cilët kundërshtojnë arrogancën e Sionistëve dhe i kërkojmë popullit tonë në Palestinë të mbështesë vëllezërit e tyre me të gjitha mjetet,” tha Moussa Abu Marzouk, udhëheqësi i grupit të armatosur Islamist Hamas që qeveris Gazën, tha në Twitter. Izraeli tha të shtunën se po përforconte forcat e sigurisë në pritje të përplasjeve të mëtejshme në Jeruzalem, Bregun Perëndimor të okupuar dhe Gaza pas përplasjeve të ashpra që shpërthyen një natë më parë në Xhaminë AlAqsa.
Një zyrtar palestinez tha se Egjipti po ndërmjetëson midis palëve për të parandaluar përshkallëzimin e mëtejshëm dhe dhuna e djeshme u duk më pak e theksuar se ngjarjet e së premtes.
Të Premten, policia lëshoi plumba gome dhe granata trullosëse ndaj të rinjve palestinezë që hodhën gurë në Xhaminë e Shenjtërores Fisnike / Temple Mount Plaza, e shenjtë për myslimanët dhe hebrenjtë. /reuters/
