Socialistët në parlament nuk do të humbasin asnjë ditë kohë ku javën e ardhshme planifikojnë të ndryshojnë Rregulloren e Parlamentit dhe të ristrukturohen komisionet parlamentare.
Java e ardhshme do të jetë e ngjeshur me aktivitete parlamerntare.
Partia Socialiste taniëm duket se ka gati rregulloren e re të parlamentit dhe nuk do të humbë kohë për ta miratuar të në mënyrë që puna të nisë me rregulla e me komisione të reja.
Të hënën kreytari i Kuvendit Niko Peleshi do të mbledhë kryetarët e grupeve parlamentare për të përcaktuar emrat në kryesitë dhe anëtarësinë e komisioneve, si dhe përbërjen e Byrosë dhe delegacioneve parlamentare.
E marta, paradite mblidhet Këshilli për Rregulloren dhe Mandatet, i cili do të shqyrtojë draftin e Rregullores së re që u paralajmërua nga kryeministri Edi Rama në Asamblenë e Partisë Socialiste.
Asnjë minutë kohë për të humbur, po të martën pasdite Kuvendi do të zhvillojë seancë plenare për të votuar Rregulloren dhe anëtarësinë e re të komisioneve, me procedurë të përshpejtuar.
Të mërkurën, kryeparlamentari Peleshi do të thërrasë Konferencën e Kryetarëve, ku do të përcaktohet koha e debatit për qeverinë e re dhe programin e saj qeverisës, ndërsa të enjten pritet të nisë debati maratonë në seancë plenare për programin qeverisës dhe kabinetin e ri, me diskutime të gjata nga shumica dhe opozita.
Pasi kryesocialisti Edi Rama të prezantojë programin e PS-së për 4 vite te ardhshme, është koha e votimit të programit dhe 17 ministrave të rinj.
Ndërkohë, qeveria e re pritet të zyrtarizohet përfundimisht të premten ku pas votimit në do të zhvillohet ceremonia e betimit të kabinetit të ri para Presidentit Bajram Begaj.
Partia Socialiste do të bëjë një ristrukturim të komisioneve parlamentare, ndërsa nga 8 që janë aktualisht numri i tyre do të shkojë në 11 ku 7 do të kryesohen nga PS dhe 4 nga PD.
