Një specie hibride e derrit të egër dhe derrit shtëpiak është parë rreth Fukushimas, çka zuri në befasi shkencëtarët japonezë pasi studiuan efektet e rrezatimit tek kafshë.
Një studim gjenetik zbuloi se derrat e egër të kryqëzuar me derra shtëpiak u larguan nga fermat lokale në zonat e lëna të shkreta nga njeriu pas një tsunami dhe tërmeti që shkaktoi krizën e vitit 2011 në termocentralin bërthamor Fukushima dhe detyroi të zhvendosen 160,000 njerëz.
Për vite me radhë, gjuetarët kanë gjetur derrat radioaktivë, të cilët numërohen me qindra dhe kanë regjistruar nivele të elementit radioaktiv “cezium-137” 300 herë më të lartë se sa norma e të qenit i sigurt.
Shkencëtarët në Universitetin e Fukushimas përdorën testimin gjenetik për të monitoruar ndikimin e rrezatimit në jetën e egër në një studim rajonal të ADN-së.
Studimi, i botuar në revistën “Proceedings of the Royal Society B”, zbuloi se nuk kishte mutacione gjenetike, por në vend të kësaj bëri zbulimin e papritur që derri i egër ishte çiftuar me derrin e butë.
