Adnan Januzaj është përfshirë në listën e lojtarëve të ftuar për ndeshjen miqësore që do të zhvillojë Belgjika me Japoninë dhe Meksikën. Ai ka pritur gjatë për të marrë një ftesë nga kombëtarja pasi e fundit ishte në 2015, për 22-vjeçarin nga Kosova.
Momenti i mirë që po kalon Januzaj në kampionatin spanjoll tek Real Sociedat duket se kana bindur trajnerin Roberto Martinez që ta ftojë në dy ndeshjet e radhës. Këtë gjë e ka bërë të ditur vetë lojtari me anë të një statusi në Facebook, por edhe në sajtin zyrtarë të Kombëtares belge është publikuar lista. Januzaj ka zhvilluar 6 ndeshje përfaqësuesen belge dhe nuk ka arritur të shënojë asnjë gol.
Ditët e fundit me ndryshimet që bëri FIFA për lojtarët me disa kombësi, u fol shumë që Januzaj mund të ktheheshe të luante për Kosovën. Por kjo gjë nuk ka për të ndodhur pasi vetë lojtari dëshiron Belgjikën.
Po ashtu në listën e lojtarëve të ftuar për këtë ndeshje bie në sy rikthimi i mesfushorit të Romës, Nainggolan i cili ishte lenë jashtë kombëtares për disa ndeshje pas një konflikti me teknikun Martine. Por dëshira e madhe e tifozëve dhe thirrjet e shumta kanë bërë që ai të kthehet në kombëtare.
