Gjykata e Tiranës ka lënë në burg Imer Krrashin, i cili akuzohet se disa ditë më parë gjatë arratisjes nga policia, përplasi 9 makina. Krasha, i njohur dhe me mbiemrin Uka që shkaktoi kaos dhe dëme.
Në gjykatë, ai u shpreh i penduar për ngjarjen. “Jam penduar. Marr mjekim për depresion, do t’i paguaj dëmet.”, tha ai.
ARRATISJA
Ai u arrestua në zonën e Liqenit të Thatë në Tiranë për armëmbajtje pa leje pas një ndjekje nga policia ku për pasojë u përplasën disa automjete dhe një motorr, drejtuesi dhe pasagjeri i këtij të fundit mbetën të lënduar të cilët rezultuan të ishin një efektiv policie jashtë orarit të punës me bashkëshorten e tij.
Sapo efektivët e pyetën nëse kishte armë apo sende të tjera të paligjshme dhe e udhëruan të zbriste për kontroll fizik, 31-vjeçari, person me precedentë kriminal, i dha gaz makinës në zonën e Liqenit të Thatë, duke u larguar me shpejtësi. Në pamjet e publikuara nga policia, shihej momenti kur efektivët iu vunë nga pas të riut në ndjekje duke e arrestuar dhe duke i sekuestruar edhe pistoletën që kishte me vete. Para togave të zeza ai ka kërkuar falje dhe gatishmëri për të kompensuar dëmet materiale.
