Mesfushori i Kombëtares shqiptare, Jahmir Hyka, po tregohet vendimtar për skuadrën e tij, San Hoze Earthquakes, ndërsa këtë herë shënoi në minutat shtesë të ndeshjes.
Shtatshkurtri u shfaq vendimtar, pasi me golin e shënuar në minutën e 4-t shtesë, i dha një pikë ekipit në shtëpi kundër Dallas, duke barazuar 1-1. Më parë Dallasi kishte kaluar në avantazh me anë të Akostës, në minutën e 78.
Hyka e filloi këtë takim si titullar dhe qëndroi në fushën e lojës për 90 minuta të plota. Kjo ishte ndeshja e tij e 6-të me San Hozenë dhe e para, në të cilën qëndron në fushë gjatë gjithë takimit. Pas 6 ndeshjesh, skuadra e Hykës ka grumbulluar 8 pikë dhe renditet në vendin e 5-të të Konferencës së Perëndimit.
http://www.dailymotion.com/video/x5ic68l_jahmir-hyka-scores-his-first-in-stoppage-time_sport
