Ylli 25-vjeçar i Liverpool është ende objektivi kryesor i Barcelonës për të zëvendësuar Neymar, i cili u largua verën që lamë pas drejt PSG. Por nëse nuk arrijnë të firmosin me yllin e “The Reds”, katalanasit kanë një plan B që lidhet me bashkatdhetarin e Phelippe-s. Bëhet fjalë për yllin e Chelsea, Willian si një alternativë nëse ata dështojnë në përpjekjet e tyre për të nënshkruar me Philippe Coutinho nga Liverpuli.
Barcelona tentoi të nënshkruaj me Coutinho që në merkaton e verës, por Liverpool kërkoi të përfitonte nga ai jo më pak se 200 milionë euro. 25-vjeçari, megjithatë, ka dorëzuar një kërkesë transferimi në klubin Anfield dhe Barça pritet të kthehet për atë në janar. Oscar Grau, CEO i blaugranëve ka deklaruar se ata janë të gatshëm të bëjnë një sulm tjetër në janar për transferimin e sulmuesit për të zëvendësuar Neymar, duke u thënë gazetarëve: “Ne jemi të gatshëm për të blerë Coutinho në merkaton e dimrit, ose çdo lojtar tjetër që do të kërkojë stafit teknik”.
Willian, 29 vjeç, dhe Coutinho ndajnë të njëjtin agjent Giuliano Bertolucci, i cili luajti një rol kyç në negocimin e lëvizjes së Paulinho nga Guangzhou Evergrande në Camp Nou. Willian është në kontratë me Chelsean deri në qershor të 2020-ës dhe “Blutë e Londrës” janë të gatshëm të negociojnë largimin e tij në rast se gjejnë zëvendësuesin. Braziliani nuk është përfshirë shumë në planet e Antonio Contes, duke startuar vetëm 11 ndeshje këtë sezon dhe ka shënuar vetëm katër gola në 20 ndeshje të zhvilluara në të gjitha kompeticonet. TIRANA TODAY
