uristi Kreshnik Spahiu, në një lidhje televizive mbrëmjen e sotme, komentoi situatën e përshkallëzuar mes Izraelit dhe Iranit. Ai tha se Izraeli nuk është i vetëm në këtë konflikt, pasi liderë botërorë që më parë e kanë kritikuar për veprimet në Gaza, tani janë rreshtuar në krah të tij.
Spahiu theksoi se pasojat më të rënda të luftës do t’i ndjejë Irani, ndërsa paralajmëroi se nëse SHBA ndërhyn ushtarakisht në territorin iranian, mund të shpërthejë anarkia e brendshme, duke ngritur kundër regjimit aktual rreth 30 milionë grupe etnike.
“Në këtë konflikt, Izraeli nuk është i vetëm. Edhe liderët që e kanë kritikuar për Gaza, sot janë në krah të Izraelit. Pasojat më të rënda i presin Iranin. Nëse bie Netanyahu, populli hebre unifikohet dhe reagimi është unik. Por nëse bie Khamenei, Irani mund të shkojë në anarki si Siria. Irani është i rrethuar nga fqinjë që janë kundër tij. Nëse SHBA hyn në Iran, mund të shpërthejë një revoltë e madhe nga grupet etnike kundër Ajatollahëve,” u shpreh Spahiu.
