Ndërsa diskutimet ndërkombëtare janë për vendosjen e një force paqeruajtëse në Gaza, Izraeli përballet me një incident të ri në kufirin verior. Një dron i ushtrisë izraelite goditi një patrullë të UNIFIL-it në Liban, duke hapur një tjetër vatër tensioni. Netanyahu flet për veto ndaj çdo force ndërkombëtare që Izraeli nuk e pranon. OKB kërkon qetësi, por frika e hapjes së një fronti të ri po rritet.
Pa u mbyllur ende lufta në Gaza, Izraeli po përballet me një tjetër përplasje ushtarake, këtë herë me misionin paqeruajtës të Kombeve të Bashkuara në Liban.
Një dron izraelit hodhi një granatë mbi një patrullë të UNIFIL-forca paqeruajtëse e kombeve të bashkuara në liban, pranë Kfar Kilës, në jug të Libanit.
Sipas forca paqeruajtëse, droni po fluturonte “në mënyrë agresive” dhe paqeruajtësit u detyruan të ndërhyjnë për ta neutralizuar.
Por, pak minuta më vonë, një tank izraelit qëlloi në drejtim të tyre. Për fat të mirë, nuk pati të plagosur.
Deklaratat jane kontradiktore ku secila pal tregon versionin e vet. Kehstu ushtria izraelite pretendon se paqeruajtësit rrëzuan qëllimisht dronin, ndërsa misioni ndërkombëtar këmbëngul se reagimi ishte mbrojtës. Përplasja vjen në një moment të ndjeshëm, kur në arenën ndërkombëtare po diskutohet krijimi i një force të re për ruajtjen e paqes në Rripin e Gazës.
Pavarësisht armëpushimit të shpallur, Izraeli ka vijuar sulmet me dronë në jug të Gazës, ku dy palestinezë humbën jetën. Ndërkohë, qeveria izraelite ka lejuar ekipe nga Egjipti dhe Kryqi i Kuq të kërkojnë trupat e pengjeve të vrarë.
“Izraeli do të përcaktojë vetë se cilat forca ndërkombëtare janë të pranueshme. Ne jemi shtet i pavarur dhe do të mbrojmë sigurinë tonë vetë,” deklaroi kryeministri Benjamin Netanyahu.
Incidenti me forcat paqeruajtëse të kombeve të bashkuara në liban ka shtuar frikën se Izraeli mund të hapë një tjetër front lufte me Hezbollahun në veri.
Lufta e fundit mes tyre në vitin 2006 la qindra viktima dhe e detyroi OKB-në të vendosë forca paqeruajtëse në rajon.
Këshilli i Sigurimit i OKB-së ka konfirmuar se mandati i forca paqeruajtëse të kombeve të bashkuara në liban do të zgjasë deri në fund të vitit 2026. Në këtë pikë ekspertët janë të shqetësuar dhë ngren një pyetje thelbësore për lindjen e mesme. kush do ta ruajë paqen në Gaza, nëse në veri nis një luftë e re?
