Presidenti i Maqedonisë, Gjorge Ivanov thekson se shqiptarët po kërkojnë të ndërtojnë shtetin e tyre të tretë në Ballkan, përmes krizës politike në Maqedoni.
Sipas tij, qëllimi i Deklaratës së partive shqiptare është të barazojë gjuhën shqipe me atë maqedonase.
“Deklarata shqiptare do ta prishë Maqedoninë, nga ajo që e njohim deri sot dhe shtetit do t’i japë vetëm dy segmente duke e bërë Maqedoninë shtet etnik dhe fetar të ndryshëm. Humnera do të thellohet edhe më shumë. Qytetarët dyshojnë në qëllimet e atyre që e kanë përgatitur këtë Deklaratë. Sipas tyre, Maqedonia do të bëhet shteti i tretë shqiptar”, u shpreh Ivanov në një intervistë për gazetën kroate “Globus”.
