Presidenti i Maqedonisë, George Ivanov, ka akuzuar kryeministrin e Shqipërisë, Edi Ramën, se është shkaktari i prishjes së paktit Ahmeti-Gruevski.
Ivanov thotë se koalicioni mes VMRO-DPMNE-së dhe BDI-së, u shkatërrua në momentin e fundit, me anë të një bisedë telefonike.
“Pas zgjedhjeve të 11 dhjetorit, unë bëra atë që e kanë bërë të gjithë paraardhësit e mi, dhashë mandatin për formimin e Qeverisë.
Por, VMRO-DPMNE-ja nuk arriti të merrej vesh me shqiptarët në afatin e parashikuar brenda 20 ditëve, sipas Kushtetutës. Të jem më preciz, koalicioni ishte dakordësuar.
Por, në momentin e fundit kishte një telefonatë dhe koalicioni nuk u bë”, ka thënë Ivanov.
Ivanov insiston se Platforma e Tiranës shkatërroi me një goditje të vetme Marrëveshjen e Përzhinës, duke thelluar krizën në vend, dhe fajtorë për këtë, sipas tij, janë Edi Rama, Brukseli dhe Uashingtoni.
