Mbrojtësi me origjinë shqiptare i Metz , Ivan Balliu, i cili është kandidat i mundshëm për të veshur fanellën e kombëtares shqiptare ka ndërmend të kthehet në Spanjë.
Kontrata e mbrojtësit me klubin francez ka përfunduar dhe ai nuk ka ndër mend ta rinovojë, pasi ka synime për t’iu bashkuar një ekipi më të fortë.
Në garë për të janë vënë disa klube franceze, mes të cilave së fundmi edhe Nanta.
Klubi ka objektiv renditjen në zonën e Evropës për edicionin e ardhshëm dhe sheh Balliun si një prej futbollistëve që mund ta ndihmojë të arrijë këtë objektiv.
Por futbollisti ëndërron kthimin në Spanjë, ku është rritur si futbollist në akademinë e Barcelonës. Në këtë rast nuk bëhet fjalë për një kthim te katalanasit, por për një ofertë që i ka mbërritur nga Betis Sevilja.
Kjo skuadër, pasi mbijetoi në sezonin e fundit, ka si synim pozicione më komode në edicionin e ardhshëm dhe me Balliun, ka bindjen se mund të përforcojë mbrojtjen e cila ka lënë shumë për të dëshiruar me 64 gola të pësuar.
