Një 40-vjeçar shqiptar është arrestuar nga policia italiane, pasi u kap duke i shitur kokainë një klienti.
Sipas mediave italiane shqiptari rezulton me precedentë penalë. 40-vjeçari u vu re nga policia, pasi ndaloi pranë parkingut në Via Ceselle, në Nuvolera.
Ai sapo ndaloi një burrë tjetër iu afrua dritares për të shkëmbyer disa fjalë me të.
Më pas oficerë ndërhynë pikërisht kur tregtari po i dorëzonte klientit dy pako me kokainë nga xhami i mjetit.
Midis këmbëve shqiptari mbante 14 doza kokaine, të paketuara paraprakisht dhe gati për shitje, si dhe disa qindra euro. Klienti i shoqëruar pranoi se furnizohej nga 40-vjeçari prej gati dy vitesh.
Gjithashtu mediat italiane shkruajnë se shqiptari do të dëbohet nga Italia pas gjykimit.
