Deputeti demokrat, Kastriot Islami, i cili ka qenë kursimtar në daljet publike, ka kërkuar që zgjidhja të vijë në sajë të ngritjes së qeverisë teknike. Në një prononcim për website “Tirana Today”, Islami thotë se krijimi i një qeverie teknike garanton zgjedhje të lira e të ndershme. Gjatë prononcimit të tij, ai ka kërkuar largimin e kryeministrit Edi Rama.
“Të largohet Edi Rama nga Kryeministria, të ulemi për të krijuar qeverinë teknike, e cila do të garantojë zgjedhje të lira dhe të ndershme. Kjo është kërkesa jonë si Parti Demokratike, kërkesë që e ka artikuluar kryetari Basha gjatë këtyre ditëve”, u shpreh deputeti demokrat Kastriot Islami, për “Tirana Today”.
