Një tjetër sulm terrorist ka ndodhur në Afganistan, nga grupi i Shtetit Islamik.
Nga ky sulm në qendër të Kabulit njoftohet për të paktën tetë të vdekur dhe 28 të plagosur.
Mësohet se ISIS ka pasur si shënjestër një automjet të blinduar të NATO-s dhe thuhet se nga viktimat e sulmit tre prej tyre janë ushatarë të huaj.
Nga ana tjetër, SHBA ka rritur presionin këto ditët e fundit ndaj luftëtarëve të Shtetit Islamik në Afganistan, duke shpresuar eliminimin e çdo pranie të këtij grupi në vend deri në fund të vitit, si dhe për të penguar xhihadistët me përvojë në Irak dhe në Siri të strehohen në Afganistan.
