Pas goditjes nga uragani Irma, një tjetër stuhi e fuqishme pritet të godasë Karaibet. Uragani Maria po shkon drejt ishujve Karaibe dhe pritet të godasë ishujt Lliuord mbrëmjen e sotme.
Sipas Qendrës Kombëtare të Uraganeve në SHBA, ditën e djeshme uragani Maria ka qenë rreth 445 kilometra larg ishujve Lliuord, me erëra deri në 120 kilometra në orë.
Parashikuesit e motit thonë se Maria mund të arrijë gjatë ditës së sotme edhe ishujt Virgjine të Britanisë dhe SHBA-së, si dhe Puerto Riko.
Uragani Irma ka shkaktuar dhjetëra të vdekur në Karaibe, si dhe në Florida dhe Xhorxhia të SHBA-së, si dhe dëme kolosale materiale.
