Një pedagoge e Universitetit të Elbasanit është ndaluar ditën e sotme në Rinas. Edlira Gugu ishte shpallur në kërkim pasi dyshohet se mori para për të kaluar në provime një studente. Mësohet se Gugu sapo ishte kthyer në Shqipëri.
Njoftimi i Policisë:
Specialistët për Hetimin e Krimeve Ekonomike dhe Financiare ndaluan me iniciativë shtetasen E. G., 51 vjeçe, banuese në Elbasan, e cila ishte shpallur në kërkim në kuadër të operacionit të koduar “Teza”, i zhvilluar një javë më parë. Kjo shtetase u kap në hyrje të RSh-së, në PKK Rinas.
