Kylie Jenner është paditur nga një ish-punonjëse e saj për ngacmim dhe diskriminim në vendin e punës, sipas dokumenteve gjyqësore të siguruara nga Us Weekly. Ajo ka ndërmarrë veprime ligjore kundër Jenner si individ, si dhe ndaj kompanive Kylie Jenner, Inc., Tri Star Services LLC dhe La Maison Family Services LLC.
Sipas padisë, Angelica Vasquez nisi punën si pjesë e stafit të mirëmbajtjes në rezidencën e Jenner në Hidden Hills në shtator të vitit 2024.
Në dokumente thuhet se Vasquez është përballur me një ambient pune “armiqësor dhe përjashtues”, duke pretenduar se është nënshtruar ndaj “ngacmimeve të rënda dhe të vazhdueshme” nga kolegët. Ajo gjithashtu deklaron se i janë caktuar detyrat më të vështira dhe të padëshirueshme, ndërsa është përjashtuar nga ekipi dhe është poshtëruar publikisht për shkak të racës, origjinës kombëtare dhe fesë.
Sipas pretendimeve, mbikëqyrësit e saj komunikonin në mënyrë fyese, duke “kërcitur gishtat” dhe duke i bërtitur vazhdimisht. Vasquez shton se është akuzuar padrejtësisht për sjellje të papërshtatshme dhe degraduese.
Dokumentet theksojnë se ajo është me origjinë nga El Salvador dhe praktikon fenë katolike, ndërsa pretendon se është tallur për theksin dhe është trajtuar si inferiore.
Vasquez deklaron se ka paraqitur disa ankesa, përfshirë një në nëntor 2024, por sipas saj ato janë injoruar ose janë marrë me tallje. Situata, sipas padisë, u përkeqësua deri në mars 2025, kur ajo pretendon se incidentet morën edhe përmasa fizike, përfshirë hedhjen e sendeve në drejtim të saj.
Përveç kësaj, ajo akuzon punëdhënësit për mosshlyerje të plotë të pagave, përfshirë orët shtesë, mungesë të pushimeve të detyrueshme dhe mosrimbursim të shpenzimeve të punës.
Sipas dokumenteve Vasquez zhvilloi ankth, stres të rëndë dhe simptoma në përputhje me çrregullimin e stresit post-traumatik, përpara se të merrte leje mjekësore në korrik 2025. Muajin pasardhës, Vasquez dha dorëheqjen nga pozicioni i saj.
Bëhet gjithashtu e ditur se Vasquez po kërkon një gjyq me juri.
Kylie Jenner është një nga figurat më të njohura të industrisë së bukurisë dhe biznesit, themeluese e kompanisë së suksesshme Kylie Cosmetics dhe pjesë e familjes së famshme Kardashian-Jenner.
Përveç aktivitetit në biznes dhe rrjetet sociale, sipërmarrësja 28 vjeçare ka qenë shpesh në qendër të vëmendjes mediat
