Botërori i vitit 1978 vazhdon të diskutohet akoma sot, për takimin mes Perusë dhe Argjentinës, ku pretendohet se peruanët e kishin shitur atë ndeshje e cila përfundoi 6-0. Argjentina do të vazhdonte rrugëtimin dhe do të fitonte Botërorin në finale më Holandën. Mbi këtë takim janë hedhur dyshime të mëdha për tolerime nga ana e peruanëve. Njëri prej protagonisteve ka folur për një nga ndeshjet më skandaloze të historisë së futbollit.
Joze Velaskuez zbulon se e gjitha ka qenë e organizuar: “Ishte e gjitha e vendosur në tavolinë, krerët e dy shteteve, Bermudez dhe Videla (dy diktatore e secilit shtet në atë kohë) u takuan dhe ranë dakord. Argjentina duhet të fitonte të paktën 4-0 për të kaluar në finale. Diktatori i Argjentinës ishte i aftë të bënte gjithçka për ti dhënë këtij vendi triumfin e parë në rang botëror. Kështu që ai e bindi diktatorin e Perusë dhe në fushë ndodhën shumë gjëra të çuditshme” përfundon ai, shkruan Tirana Today.
“Vetëm për shkak se nuk ka prova, nuk do të thotë se nuk ka ndodhur,” thotë ish-ylli i futbollit, Jose Velazquez, i akuzave të Kupës së Botës 1978. Argjentina është akuzuar se ka blerë ndeshje në Kupën e Botës 1978, nga ish yll i futbollit peruan Jose Velasquez, 40 vjet pasi ata triumfuan.
“Është një realitet që liderët janë shitur dhe shumë prej tyre janë hetuar, madje ka edhe libra të shkruara: vetëm për shkak se nuk ka prova, nuk do të thotë se nuk ka ndodhur”, tha Velazquez, duke pretenduar se gjashtë nga shokët e tij ishin “blerë” nga kundërshtarët e tyre argjentinas.
“Unë mund të përmend vetëm katër, sepse dy të tjerë janë të famshëm dhe unë mund të dëmtoj karrierën e tyre. Ata që u shitën ishin Rodulfo Manzo, Raul Gorriti, Juan Jose Muñante dhe Ramon Quiroga.”, shkruan Tirana Today.
Ndeshja në fjalë u zhvillua më 21 qershor 1978 në Rosario, Argjentinë. Argjentina fitoi 6-0 dhe Peruja humbi dy gjysmëfinale dhe shansin e saj në Kupën e Botës, për ti lejuar rivalit të saj në Amerikën Latine vazhdimin.
Sipas ish-mesfushorit, trajneri i Perusë, Marcos Calderon, e dinte se çfarë po ndodhte. Velasquez dhe pesë shokë të tjerë iu afruan Calderonit përpara ndeshjes finale për ta paralajmëruar atë për dyshimet e tyre dhe të kërkojnë që portieri Quiroga të mos fillojë ndeshjen.
“Ai ra dakord, por të nesërmen ai e vendosi (Quiroga) si titullar, çfarë mendoni për këtë? Gjatë gjithë jetës, unë isha një motor dhe kam luajtur gjithmonë 90 minuta, por në atë ndeshje trajneri më zëvendësoi në fillim e pjesës së dytë, të cilën e mbyllëm 2-0, por Gorriti erdhi dhe gola të tjerë pësuam”.
Në përgjigje të akuzave, vajza e Gorritit ka kërcënuar të padisë Valesquez për shpifje. “Unë nuk e di se çfarë dëshiron z. Velasquez me gjithë këtë, jam e sigurt se ai dëshiron të fitojë vëmendjen e medias, por nuk është e drejtë që ai të përmendë emrin e babait tim … familja ime do të bëjë një ankesë penale”.Përshtati TIRANA TODAY
