Gara mes presidentit aktual Armand Duka dhe kandidatit Bashkim Fino, për mandatin e ardhshëm 4-vjeçarë të FSHF-së sa vjen dhe bëhet më interesante. Supozohej që Fino do të kishte pas PS-në dhe mbështetja e tyre do ta nxirrte fitues. Por sot ai ka hequr dorë nga çdo funksion politik, për të hequr çdo akuzë që i ishte adresuar. Së fundmi një ish-deputeti Eduart Ndocaj ka dalë kundër kandidimit të Bashkim Finos dhe me anë të një postimi në “Facebook” rendit arsyet se përse Fino nuk duhet ta fitojë këtë garë si dhe u bën thirrje shqiptarëve ta shpëtojnë futbollin nga kthetrat mafioze.
Statusi i plotë i Eduart Ndocajt:
“Gogeldushkja Fino vitin e kaluar i shpëtoi vdekjes duke u kuruar ne klinika të shtrenjta europiane me parat e buxhetit shtetëror, por shqiptarët nuk do e harrojnë kurrë Kristi Mazen, engjëllin 10-vjecar pogradecar i cili u largua nga kjo jete sepse qeveria e kryekriministrit Rama nuk u kujdes për t’i shpëtuar jetën. Tani i rilinduri i Ramës kërkon t’i shërbej këtij të fundit edhe në biznesin fitimprurës të futbollit.
Gogeldushkja, si injorant i fushës politike ka oreks të bëhet president i FSHF. Ky post do i jepte mundësi për t’i shërbyer fëmijëve të Kristaq Ramës në lloto sporte ku Olsi do t’i siguronte vëllait Edvin fitime të majmura në baste ndeshjesh. Pushteti ekonomik i futbollit do pasuronte të njëjtit persona që po grabisin shqiptaret prej vitesh. Skuadra e Partizanit e drejtuar nga Olsi Rama do kthehet në një ministri me shumë për hajdutet e parave të shqiptarëve.
Gogeldushkja Fino nuk duhet lejuar të rrotullohet si president i ardhshëm i futbollit shqiptar. Nisur nga këto pakënaqësi që provokon kandidimi politiko mafioz i Finos , unë Eduart Ndocaj mbështes kandidaturën e z. Armondo Duka. Sukseset e paimagjinueshme të futbollit shqiptar nën drejtimin e z Duka më japin shpresë e më nxisin t’i ftoj shqiptarët ta shpëtojmë futbollin nga kthetrat mafioze qeveritare. Gogeldushkja nuk meriton të jetë edhe roje e kalasë së Gjirokastrës.”
