Kryeministri Isa Mustafa nuk ia ka dalë ta bind komisionarin për Punë të Brendshme të BE-së, Dimitris Avramopulos, të pezullohet kriteri i demarkacionit për vizat. Avramopoulos i ka kërkuar Mustafës që demarkacioni të votohet në Kuvend.
Avramopoulos përgëzoi përparimin e bërë nga qeveria e Kosovës deri tani, duke përfshirë luftën kundër krimit të organizuar dhe korrupsionit.
Komisioneri Avramopulos, gjithashtu, u informua rreth përpjekjeve që Kosova ka bërë për të ratifikuar marrëveshjen e ndarjes së kufirit me Malin e Zi, dhe inkurajoi kryeministrin Mustafa dhe partitë politike të vazhdojnë me votimin e demarkacionit në Kuvend.
Ai shprehu mbështetjen e tij për Kosovën në fazat e fundit drejt liberalizimit të vizave dhe njoftoi se do të vizitojë Kosovën para verës.
