Kryeministri i Kosovës, Isa Mustafa, ka bërë komentet e tij në Facebook, lidhur me dhunën që u ushtrua dje ndaj deputetëve shqiptarë në Maqedoni, duke uruar zgjedhjen në krye të Kuvendit të Talat Xhaferit, ndërkohë që thotë se Maqedonia është edhe e shqiptarëve.
“Uroj zgjedhjen e z. Talat Xhaferit, kryetar i Kuvendit të Maqedonisë. Maqedonia është e qytetarëve të saj shqiptarë, aq sa është edhe e maqedonasve dhe të tjerëve.
Kam besim se Maqedonia, si shtet fqinj i Kosovës, do të konsolidojë institucionet e saj demokratike, duke respektuar të drejtat e barabarta për të gjithë qytetarët e saj”, shkruan Mustafa në Facebook.
Kreu i qeverisë thotë se të gjithë në Ballkanin Perëndimor, ende po shërojmë plagët e luftës, dhunës dhe armiqësive, prandaj siç thekson ai, duhet të evitohen këto të këqija në ndërtimin e ardhmërisë sonë evropiane dhe euroatlantike.
