Presidenti i Iranit, Masoud Pezeshkian, theksoi se Irani është i gatshëm për dialog dhe negociata mbi aktivitetet bërthamore, por vetëm brenda kuadrit të ligjeve dhe normave ndërkombëtare. Ai nënvizoi me forcë se Teherani kurrë nuk do të pranojë që programi i tij bërthamor të reduktohet në zero.
Në një deklaratë për agjencinë gjysmëzyrtare Tasnim, Pezeshkian paralajmëroi se përgjigjja e Iranit ndaj sulmeve dhe agresionit të Izraelit do të jetë edhe më e fuqishme dhe vendimtare. Ai kritikoi regjimin izraelit për prishjen e besimit dhe bashkëpunimit ndërkombëtar, duke u shprehur se Irani ka kërkuar gjithmonë dialog me vende të ndryshme mbi bazën e respektit dhe besimit të ndërsjellë.
Kujtojmë se në mes të qershorit, Izraeli kreu sulme të shumta në Iran, duke synuar objekte bërthamore dhe figura ushtarake të larta, që shkaktuan një cikël përleshjesh intensive midis dy vendeve me pasoja të rënda për civilët dhe infrastrukturën.
Programi bërthamor iranian, i ndërtuar që nga vitet 1960 dhe me kapacitete të plota prodhimi uraniumi, vazhdon të mbetet në zemër të tensioneve rajonale, me Teheranin që thekson natyrën paqësore të tij dhe
