Tensionet mes Iranit dhe Izraelit kanë marrë një tjetër kthesë të rrezikshme, pasi Irani ka lëshuar një tjetër valë raketash në drejtim të territorit izraelit.
Sipas mediave shtetërore iraniane, bëhet fjalë për valën e 10-të të sulmeve me raketa, siç është konfirmuar edhe nga një postim i Gardës Revolucionare në kanalin e saj në Telegram.
Forcat e Mbrojtjes së Izraelit (IDF) kanë konfirmuar zyrtarisht se kanë zbuluar lëshimin e raketave nga territori iranian, pa dhënë ende detaje mbi dëmet apo masat e ndërmarra për përgjigje ushtarake.
