Këtë vjeshtë pritet që kompania “Apple” të sjellë një celular krejtësisht të ri me rastin e përvjetorit të dhjetë. Por, paketimi i pajisjes me veçori dhe dizajn të ri nënkupton kosto të tjera.
Mendohet se iPhone 8 do të ketë një çmim prej 1.000 eurosh në treg, i cili duket se do të jetë një problem për kompaninë gjigante.
Kjo, nëse marrim parasysh çmimin e rivalit të saj, Samsungut, që ka nxjerrë në shitje celularin Galaxy S8, me një çmim prej 820 eurosh në Evropë.
Ndryshimet që ka bërë kompania “Apple” ndër vite, ka sjellë edhe rritjen e çmimit të smartphoneve, ndërsa së fundmi kjo kompani po synon të fusë një ekran të ri OLED në iPhone.
Qindra mijëra njerëz mezi po presin lancimin e iPhone 8, megjithatë duhet thënë se çmimi i lartë i tij, do të jetë një problem për kompaninë gjigante.
