Kurioziteti për iPhone 8 sa vjen e rritet. Sipas raportimeve të fundit do të vijë me 3GB RAM. Me gjasë do të ketë tre opsione për memorien e telefonit, përkatësisht opsionet me 64GB, 256GB dhe 512GB.
iPhone 8 do të shfaqë një procesor të ri mobil, në fakt – Apple A11. Procesori i ri Apple A11 pritet të ofrojë rreth 30% përmirësim të shpejtësisë mbi procesorin aktual, gjithashtu do të vijë me grafikë të përmirësuar.
iPhone 8 i Apple do të vijë me një ekran OLED, madhësia e saktë ende nuk dihet, edhe pse pritet të jetë rreth 5.8 inç. Telefoni do të ketë një dizajn krejtësisht të ri me ekranin nga një skaj në tjetrin dhe do të përdorë materiale të ndryshme dhe të reja për iPhone 7.
Apple gjithashtu pritet se do të lansojë dy modele të reja të telefonave në të njëjtën kohë me iPhone 8, përkatësisht iPhone 7S dhe 7S Plus.
Apple do ta lansojë celularin e shumëpritur iPhone 8 në një ceremoni të veçantë më 12 shtator, dhe do ta hedhë në shitje atë më 22 shtator ku pritet gjithashtu që të lansohet iPhone 7s dhe 7s Plus, një version të ri të orës së Apple dhe një televizor të ri 4K.
Kjo do të jetë ceremonia e parë që zhvillohet në Teatrin Steve Jobs në zyrat e reja të Apple.
