Interi do të presë Barcelonën të martën në mbrëmje në “San Siro” në sfidë ne vlefshme për fazën e grupeve të Champions League. Katalanasit vetëm dy javë më parë i mposhtën zikaltërit dhe tashmë janë koka e grupit. Borja Valero në prag të sfidës është shprehur se ata do ta mposhtin Barcelonën në këtë përballje.
“Ne duhet të besojmë në aftësitë tona. Barcelona është skuadër shumë e vështirë, por ne duhet të kemi besim në vete”, ka thënë lojtari i Interit në prag të sfidës.
“Në kampionat ne luajmë lojën tonë, pasi e kemi vazhdimisht topin në këmbë, mirëpo ndaj Barcelonës është më e vështirë sepse ata e mbajnë topin më shumë se kundërshtari.
Barcelona është një hap para nesh, por nuk do të dorëzohemi deri në minutat e fundit të ndeshjes dhe shpresojmë t’i marrim tri pikë”, ka shtuar më tej Valero.
