Edhe pse merkato në Itali është mbyllur para disa ditësh, duket se Interi vazhdon të punojë për të bërë të tijin nënkampionin e botës, Luka Modric. Kroati ishte një nga dëshirat e mëdha të zikaltërve, por që Real Madrid nuk i dha asnjë mundësi dhe bllokoi çdo tratativë të mundshme.
Interi po studion cdo rrugë të mundshme që në janar të mos ketë asnjë dyshim dhe ylli madrilen të përfundojë në Milano. E përditshmja sportive italiane “Corriere dello Sport” raporton se “Nerazzurrët” vazhdojnë të monitorojnë situatën e yllit kroat te skuadra nga Santiago Bernabeu.
Megjithatë, Inter ka bërë gati planin për të provuar sërish blerjen e Modricit pas rihapjes së afatit kalimtar të futbollistëve në janarin e vitit 2019.
