Microsoft thotë se ka ndërtuar një platformë mjekësore të mbështetur nga inteligjenca artificiale për të cilën pretendon se është katër herë më e suksesshme se mjekët në diagnostikimin e sëmundjeve komplekse. Gjigandi i teknologjisë zbulon një hulumtim që beson se mund të përshpejtojë trajtimin.
I quajtur “Orkestruesi Diagnostikues i IA i Microsoft” është vepra e parë që del nga njësia shëndetësore e kompanisë e formuar vitin e kaluar nga Mustafa Suleyman.
Në një intervistë me “Financial Times”, drejtori ekzekutiv i IA i Microsoft-it tha se kompania është një hap drejt “superinteligjencës mjekësore” që mund të ndihmojë në zgjidhjen e krizave të personelit dhe të reduktojë kohën e gjatë të pritjes për sistemet e mbingarkuara shëndetësore.
Për të testuar aftësitë, platforma u ushqye me 304 studime nga revista e re mjekësore e Anglisë, ku përshkruhen disa prej rasteve më të ndërlikuara që janë trajtuar dhe zgjidhur nga mjekët.
Drejtuesi i projektit, Mustafa Suleyman tha se Microsoft po ndërton “modele të IA-së që nuk janë vetëm pak më të mira, por thellësisht më të mira se performanca njerëzore: më të shpejta, më të lira dhe katër herë më të sakta”.
“Kjo do të jetë vërtet transformuese”, shtoi ai.
Microsoft ka investuar pothuajse 14 miliardë dollarë në OpenAI dhe ka të drejta ekskluzive për të përdorur dhe shitur teknologjinë e saj.
