Nënkryetari i PD-së, Edi Paloka, me anë të një statusi në Facebook lan “haqet” me Ramën, ku citon me ironi se Holanda u tregua hakmarrëse ndaj kryeministrit, pasi nuk ia falën që uli çmimin e kanabisit në Evropë.
Përmes një shkrimi satirik, Paloka vë në lojë Ramën, duke i kujtuar se ai është thjeshtë një lolo, i vënë në shërbim të kancelares Merkel. Referuar shkrimit në fjalë, të cilën e ka ndarë me të gjithë ndjekësit në Facebook, ai shkruan se Rama është vetëofruar edhe për kampe terroristësh në Shqipëri.
Pasi ia kemi plotësuar tekat, sipas tij, çfarë ka Gjermania? Sikundër e tha edhe dje në Kuvend kreu demokrat Basha, për mos plotësimin e një sërë kushteve e për ngeljen në klasë, Paloka i risjell edhe një herë në kujtesë këto pika.
Paloka citon se Gjermania nuk u mjaftua me një “Jo” te thjeshtë, po ka renditur dhe një sërë kushtesh si krimi i organizuar, korrupsioni, drejtësi e pavarur, rikthim në funksion të Gjykatës Kushtetuese, zgjedhje të lira, ministra në burg.
