Gjatë leximit të vendimit të Trupit Gjykues, krimineli serb i akuzuar për vrasjen e më shumë se 7 mijë boshnjakëve, Ratko Mlladiç është nxjerrë me zor nga salla. Kjo për shkak se ai aty u ka bërtitur gjykatësve në një situatë shumë të tensionuar.
Tribunali për krime të luftës i Kombeve të Bashkuara, shapalli fajtor në aktgjykim ish-komandantin e forcave serbe të Bosnjës, Ratko Mlladiç. Ata dhanë vendimin me “burgim të përjetshëm” për Ratko Mlladiç.
I njohur si “Kasapi i Bosnjës”, Mlladiçi është i akuzuar për gjenocid, krime kundër njerëzimit dhe krime të luftës, derisa pritet që vendimi të jetë dënim me burgim të përjetshëm.
Mlladiqi mbahet përgjegjës për ekzekutimin e 8 mijë burrave myslimanë në korrik të vitit 1995, që njihet si mizoria më e madhe e kryer në Evropë pas Holokaustit.
Vendimi për Mlladiçin do të jetë gjykimi i fundit nga tribunali që ishte themeluar në Hagë, në vitin 1993, për dënimin e krimeve të kryera në luftërat ballkanike në vitet e 90-ta.
Ndër të tjera Mlladiç, akuzohet për vrasje, torturë, dhunime, shfarosje dhe bombardime. Mlladiçi i ka hedhur poshtë të gjitha akuzat ndaj tij.
