Koordinatori Rajonal për Tiranën, Klevis Balliu, në një deklaratë për mediat nga selia e Partisë Demokratike, akuzoi kryeministrin Edi Rama dhe kryebashkiakun Erion Veliaj se po përdorin inceneratorin e Tiranës për përfitime personale. Ai theksoi se ky projekt nuk ka ndihmuar në pastrimin e qytetit, por ka shërbyer vetëm për pasurimin e një grushti njerëzish.
“Mbetjet mbeten ende në Sharrë, aty ku duhej të ishte inceneratori funksional. Ndërkohë, qytetarët vazhdojnë të paguajnë taksa, ndërsa Tirana është e mbushur me plehra,” u shpreh Balliu.
Ai gjithashtu paralajmëroi një protestë më 8 shkurt, ku shqiptarët do të ngrihen kundër korrupsionit dhe aferave të inceneratorëve, si dhe për krizën në Onkologjik dhe skandalin e dherave.
“Është detyra e gjithsecilit të reagojë ndaj mafias së inceneratorëve. Më 8 shkurt, të gjithë në protestë,” përfundoi Balliu.
