Enkelejd Alibeaj ka deklaruar votën e tij pro kërkesës së SPAK për arrestimin e ish kryeministrit Sali Berisha. Në fjalën e tij, lidhur me kërkesën e SPAK, Alibeaj tha se vendimin e sotëm duhet ta konsiderojmë si shërbim ndaj shqiptarëve sot e në të ardhmen. “Zero imunitet për askënd, mbështetje totale për SPAK, është ky standardi që duhet të vendosim” tha ai
“Si përfaqësues i opozitës, e kam më të thjeshtë ta shpreh opinionin tim dhe të PD, lidhur me kërkesën e SPAK. Duhet ta bëj të qartë barrë dhe peshën e madhe të vendimmarrjes në këtë këshill.
Nuk jam i dyzuar mes asaj se çfarë kam këtë barrë dhe këtë peshë, kam një pozicion paksa më specifik. Me deputetin në fjalën e konsideroj paksa më specifike qëndrimin dhe kjo është një anë, nga ana tjetër si përfaqësues i PD, do parashtroj atë që duhet të jetë qëndrimi i Kuvendit. Nuk jemi gjykatë, por kemi një barrë gjithsecili prej nesh, jo të përcaktojmë fajësinë as pafajësinë, por diçka tjetër, një gjë e thjeshtë, cili do duhet të jetë standardi politik moral, etik që deputeti i Kuvendit të mbajë sa herë ka një kërkesë nga ana e organeve të drejtësisë për dhënien e autorizimit.
PD e ka patur që një krye të herës si standard që sa herë ka patur kërkesa për heqje imuniteti, standardi politik ka qenë dhënia me vullnet të lirë, zhveshja nga imuniteti. Sot më shumë se dje duhet të jetë guri i vetëm i themelit ndaj të cilit s’duhet të kemi luhatje. E kemi mbajtur këtë qëndrim në 2012, po ashtu në 2016 në rastin e ndryshimeve kushtetuese. E kemi mbajtur në rastin e çështjes Tahiri, ka qenë kjo anë e opozitës në atë kohë dhe ka votuar që për kërkesat për dhënie autorizimit, arrest, kontroll personal e banese të votohej, ndërkohë për masat e tjera nuk ka nevojë për kërkesë. Ka qenë maxhoranca që nuk e pranoi si standard politik dhe etik. E kërkuam edhe në rastin Bllako, edhe pse u tha apo detyrua, bëri një lëvizje që e la imunitetin me vullnet.
Qëndrimi që ka mbajtur PD, ka qenë PO, sa herë ka kërkesë për dhënie imuniteti, kemi qenë pro. Raporti mes politikës e drejtësisë duhet të jetë i tillë, asnjë pengesë në rastet kur e kërkon drejtësia. PD ka paraqitur, edhe një amendament për rregulloren e Kuvendit, që deputetët që kur bëjnë betimin në mënyrë të vullnetshme të lënë imunitetin, dhe të mos përfitojnë. U bënë 30 vite që qeverisja në këtë vend nëse ka patur një defekt, ka qenë abuzimi dhe mbrojtja ndaj imunitetit. Ka krijuar papërgjegjshmërinë institucionale deri në korrupsion. Është koha tani që ky parlament ta vendosë si një gur edhe për të ardhmen.
Reforma në drejtësi pavarësisht ndryshimeve teknike, në thelb kishte këtë gjë, heqjen e çfarëdolloj mbrojtje të politikës ndaj drejtësisë. Sa herë ka një kërkesë të tillë, çështja duhet të ketë këtë zgjidhje. Hapja e rrugës së drejtësisë. Nëse sot diskutohet për çështjen e imunitetit të Berishës, një tjetër po e ndjek me vëmendje Edi Rama. Standardi që vendosim sot ndaj drejtësisë, përsa kohë do mbahet një qëndrim ndaj një ish kryeministri duhet mbajtur edhe ndaj kryeministrit në detyrë.
Ta vendosë edhe SPAK të mbajë të njëjtën standard të hapë kallëzimet që përfshijnë kryeministrin e të kërkojmë heqjen e imunitetit. Ne mund të jemi deputetë me eksperienca të ndryshme, nuk duhet të harrojmë shqiptarët duan një politikë që mos jetë jo e barabartë para ligjit me ta. Ta konsiderojmë si shërbim ndaj shqiptarëve sot e në të ardhmen, zero imunitet për askënd, mbështetje totale për SPAK. Krijimi i një kushti pozitiv, që mos lejojë perceptimin se po krijohen dopio standarde. Pa e zgjatur më tepër, qëndrimi im personal si përfaqësues I PD për kërkesën e SPAK është: I rekomandojmë seancës plenare ta pranojë si kërkesë.” -tha ai.
