Finalizohet operacioni policor i koduar “Implikimi”, pas një veprimi të shpejtë të specialistëve të Seksionit për Hetimin e Krimeve Ekonomiko-Financiare në bashkëpunim me Forcën e Posaçme “Shqiponja”.
Një shtetase kishte kallëzuar se ishte mashtruar nga një person që i ishte prezantuar si agjent imobiliar, duke i marrë një shumë parash për gjetjen e një banese me qira. Pas hetimeve të shpejta, u identifikua dhe u arrestua shtetasi A. G., 34 vjeç, banues në Tiranë.
Gjatë kontrollit të automjetit të tij në rrugën “Kastriotët”, policia gjeti një armë sportive (pistoletë) pa leje, ndërsa në banesën e tij u sekuestruan targa të vjedhura.
Verifikimet e mëtejshme zbuluan se 34-vjeçari ishte aktualisht nën masën e sigurisë “Arrest në shtëpi” për veprën penale të “Dhunës në familje”.
Materialet procedurale janë referuar Prokurorisë së Tiranës për veprime të mëtejshme.
