Është mbledhur sot Komiteti Drejtues Kombëtar i Partisë së Lirisë, ku Ilir Meta shpalli para anëtarëve edhe fitoren e parë të Partisë së Lirisë nën presidencën e tij.
“Ne detyruam Bashkinë e Tiranës të lyejë paralelen me ndryshk siç do ta detyrojmë ta heqë ndryshkun kudo” – tha ai, referuar hekurit ku ngjitet herë pas here.
Pas shfaqjes së parë të Metës mbi paralelen në fjalë, bashkia Tiranë e leu me të bardhë. Por duket se Meta e ka marrë seriozisht se e ka detyruar ai duke e cilësuar këtë si fitore thelbësore.
Presidenti i Partisë së Lirisë Ilir Meta, në fjalën në mbledhjen e Komitetit Drejtues Kombëtar të Partisë së Lirisë, u shpreh se vendi ynë ka sot pagat dhe pensionet më të ulëta në rajon dhe Europë.
“Nuk kemi kohë të pushojmë, nuk kemi kohë të ndryshkemi. Ne do të fitojmë dhe këtë do ta bëjmë me punë.
Sot vendi ynë ka pagat e pensionet më të ulëta në rajon
Rilindja ka shtuar barrën e borxhit. Borxhi publik i rrit në 13.2 mld euro. Çdo banor edhe i porsalindur, ka një borxh pre 4611 euro. Molla e Korçës është më lirë në Prishtinë se në Tiranë.
Prioritet për Partinë e Lirisë është investimi në arsim dhe kapitalin njerëzor. Do të ndërtojmë një sistem fiskal të drejtë. Të çrrënjosim nepotizmin në Tatime e Dogana”, tha Meta.
Nga Komiteti Drejtues Kombëtar, Presidenti i Partisë së Lirisë, Ilir Meta, është shprehur se angazhimi i tyre është kthimi i Reformës në Drejtësi, në shinat kushtetuese.
Meta tha se drejtësia i përket qytetarëve dhe se nga mungesa e saj po vuan një popull i tërë.
“Angazhimi ynë është që të rikthyer reformën në shinat kushtetuese më 140 vota që u bë në parlament, Ramaformën do ta hedhim në Lanë. Drejtësia i përket popullit sepse sovraniteti i përket popullit. Nga mungesa e drejtësisë po vuan një popull i tërë dhe është mungesa e drejtësisë, largimi i gjithë shërbimeve të tjera kanë nxitur shpopullimin, kanë rritur dhe koston e jetesës”, tha Meta.
