Igli Tare ‘troket’ në derën e Barcelonës, kërkon shërbimet e një ‘ylli’

Skuadra italiane, Lazio është interesuar për shërbimet e yllit të Barcelonës. Malcom nuk ka kaluar momente shumë të mira me Barcelonën, duke pasur mungesë të minutave në pjesën e parë të këtij sezoni.

Malcom, 21 vjeç, Barcelona – Mesfushori me tipare sulmuese u bë “mollë sherri” këtë verë mes Romës dhe katalanasve, me këta të fundit që e rrëmbyen brazilianin nga Bordo në momentet e fundit kur Malcom po nisej për në Itali. Gjithsesi kjo ka kaluar tani dhe ai është në qendër të vëmendjes te Barcelona. Edhe pse ka konkurrencë të fortë në ekip, braziliani do të përpiqet që të luajë në ndeshjet e Champions League dhe të tregojë aftësitë e tij më të mira.

Situatën e keqe të brazilianit duket se duan ta shfrytëzojnë te skuadra nga kryeqyteti i Italisë, Lazio, të cilët thuhet se kanë pyetur për Malcom. Italianët duan ta transferojnë lojtarin në formë huazimi për pjesën e mbetur të edicionit 2018/19.

Është Igli Tare ai që ka kontaktuar drejtuesit e kampionëve të Spanjës për të pyetur për lojtarin brazilian. Ky do të ishte një shans i mirë për Malcom i cili do të mund të zhvillohej si lojtar, gjithashtu të luftonte me Lazion për një vend në top katërshen e Serie A.