Vlonjati që u ekzekutua me tre plumba në kokë dhe në gjoks, është identifikuar si Ilia Qerim Kulli.
Ngjarja e rëndë ka ndodhur në Menidhi të Athinës, ku 35-vjeçari shqiptar është goditur me dy plumba në kokë dhe në kraharor.
Sipas dëshmitarëve okularë, ai ndodhej në makinën e tij kur u qëllua. Edhe pse i plagosur rëndë, e ka ngarë makinën për rreth 800 metra dhe pastaj është përplasur para një kafeterie, ku ishte klient i rregullt.
Pikërisht pronari i lokalit e ka marrë me makinën e vet dhe e ka çuar në spital, ku u konstatua se kishte vdekur. Po sipas dëshmitarëve, agresorët ishin dy persona me motor.
Sipas policisë, ngjarja mund të ketë ndodhur për larje hesapesh, pasi 35-vjeçari ishte i skeduar për trafik droge. Por, fqinjët kanë deklaruar në polici se viktima merrej me shitblerje makinash të përdorura dhe se nuk ishte aspak problematik.
