Një burrë 29-vjeçar, Joshua Jan, është identifikuar nga autoritetet amerikane si i dyshuar për të shtënat në një zyrë të ICE në Teksas, ku mbetën tre të vdekur, përfshirë personin e armatosur, dhe një i plagosur.
Vëllai i Janit, Noah, i tha NBC-së se vëllai i tij “nuk kishte ndjenja negative për ICE-në (Zbatimin e Ligjit për Imigracionin dhe Doganat e SHBA-së), për aq sa di unë.
“Nuk mendoja se ai ishte i interesuar në politikë,” shtoi ai. “Për aq sa di unë, ai nuk ishte i interesuar për politikën e asnjërës palë”, përfundoi ai.
Personi i armatosur hapi zjarr ndaj zyrës nga një ndërtesë ngjitur në mesditë të së mërkurës, thanë oficerët.
Agjenti Special i FBI-së në Dallas, Joseph Rothrock, tha se ishte një “sulm i koordinuar” dhe “vetëm shembulli më i fundit i dhunës së synuar që kemi parë”. Provat fillestare sugjerojnë se sulmi ishte “anti-ICE”, shtoi ai.
Në një plumb të papërdorur ishte gdhendur fraza “ANTI ICE”, tha drejtori i FBI-së, Cass Patel. Të shtënat ndodhën pak para orës 7 të mëngjesit sipas kohës lokale, tha Patel.
Autori i krimit, i cili qëlloi veten dhe u gjet në çatinë e një ndërtese aty pranë pak kohë më vonë, dhe dy persona që ishin brenda ndërtesës kanë vdekur. Një person tjetër u plagos.
Një shqyrtim fillestar i provave tregon një “motivim ideologjik pas këtij sulmi”, shtoi ai, duke e quajtur sulmin “të papranueshëm”. “E gjithë qeveria” do të përgjigjet, shtoi Rothrock.
“Nuk do të ketë asnjë burim që nuk do të përdoret për të sjellë para drejtësisë të gjithë këta individë që janë përgjegjës dhe për t’i mbajtur ata përgjegjës”, theksoi ai.
